Nalika semanten, Kyai Pandhanaran dipunutus
dening Sunan Kalijaga supados bebadra padhepokan mucal agama Islam ing tlatah
Jabalekat. Lakunipun Kyai Pandhanaran dipunpenging sangu raja brana. Kesahipun Kyai Pandhanaran dipunkancani dening garwanipun.
Nanging tanpa dipunsumurupi dening Kyai Pandhanaran, Nyai Pandhanaran sangu
raja brana dipundhelikaken wonten ing
tekenipun. Nalika dugi ing sawijining panggenan, Kyai Pandhanaran dipuncegat
dening rombongan begal
tigang wong. Sanyatanipun Kyai Pandhanaran boten beta napa-napa, pramila dipunutus nyuwun pirsa kaliyan Nyai
Pandhanaran ingkang taksih wonten wingking. Sarehning ajrih pramila teken
ingkang wosipun mas inten wau dipunparingaken begal. Banjur Nyai Pandhanaran
nusul garwanipun lan matur babagan menapa ingkang nembe mawon dipunalami.
Banjur Kyai Pandhanaran ngendika, “Ya wis besuk yen ana rejaning jaman papan
kene arep dakjenengake salah tiga (Salatiga).”
Lakunipun Nyai Pandhanaran tansah kentun
kepara radi tebih. Nyai Pandhanaran tansah sambat amargi dipuntinggal dening
garwanipun. Penggalihe ngrantes menapa kakungipun sampun supe kaliyan Nyai
Pandhanaran. Ngendikanipun, “Ki Ageng boya lali karo aku.” Amargi bola-bali
dipunsebat asmanipun pramila Kyai Pandhanaran kraos penggalihipun. Papan wau
banjur dipunsebat Boyalali, dangu-dangu dados Bayalali, banjur Boyolali.
Tidak ada komentar:
Posting Komentar