AJI

Wis kebur kena angin barat

Keburan basa, keburan busana, keburan tata

Kabeh sarwa tinampa

Kawur sadalan-dalan paran

Tinemu sakabehe sira

Pancen bener, Jawa iku nampa apa-apa

Nganti lali apa iku Jawa

Byarpet kaya sentir

Murup yen sinumet

Mati yen kena banyu

Kabeh kelangan pangaji-aji

Ajining dhiri... Ajining raga...

Sapa kang preduli ???

Ngertine mangan enak, ongkang-ongkang nampa bayaran

Yen ngomong sakepenake udele

Yen nganggo ketok udele

Yen kesandung banjur tiba sapa sing nulung?

Dudu desainer utawa wong kang duwe andheng-andheng

Urip iku mung sakderma aja gampangke lali

Solah bawane manungsa