NDUK

Dening Eko Suprapto

Rina lan wengi

Sing tak anti-anti

Bapa bisa....

Sinanding klawan ragamu

Slendang lurik

Keslewang raga ibumu

Kasawang marang mripatku

Ndadekake notose eluhku

Kedere jiwaku

Wuyunge atiku

Nduk, anakku

Sajroning jiwa bapamu

Kepengen ngupaya uripmu

Nggulawentah raga lan jiwamu

Paring pikoleh marang gedhemu

Muga Gusti

Krungu gela atiku

Tangise atiku

Saben rina, candra tansaya dadi

Bapa terus ngupaya gawe redeme ati

Tentreme jiwa raga iki

Kanthi nglali lan manembah ing Gusti

Nduk anakku

Bapa nyuwun kalawan Gusti

Kapan dina apik bakal dumadi

Bapa ikhlas jiwa raga iki

Kanggo nyawijine ragamu

Nyawijine ragamu kalawan bapa lan biyungmu

(Mandiri No.3/2012)