PARIKAN

Parikan yaiku tetembungan utawa unen-unen sing nduweni pathokan utawa paugeran ajeg.

Upamane:

1.      Cacahing wanda ukara kapisan, kudu padha karo ukara kapindho.

2.      Ukara ing ngarep mung kanggo bebuka dene ukara sabanjure minangka isi utawa “wose”.

3.      Tibaning swara ukara kapisan, kudu padha karo ukara kapindho.

4.      Parikan bisa kedadean saka rong gatra (larik), nanging bisa uga 4 gatra.

Ing basa Indonesia parikan diarani pantun.

Tuladha parikan:

1.      a) Kutha kendhal, kaliwungu

    Ajar kenal, karo aku

b) Pitik cilik, nothol upa

    Ala sithik, uga kena

2.      a) Kembang aren, sumebar tepining kalen

    Aja dahwen, yen kowe kepengin kajen

b) Kembang menur, ditandur ing pinggir sumur

    Yen wis makmur, aja lali mring sedulur

3.      Bibi surip tuku klobot

Pethuk encik tawa roti

Uwong urip pancen abot

Mula becik ngati-ati