WANGSALAN

Wangsalan yaiku unen-unen utawa rumpakan kang surasane saemper cangkriman, kanthi kasebutake batangane, nanging ora diceplosake/ mung sinandi.

Tuladha sawetara!

Wangsalan bebas/ wangsalan padinan

Tuladha:

• Mbok aja ngrokok cendhak, neges-neges wong omongan (tegesan)

• Eman temen isih enom kok njangan gori (gudheg)

• Ora ketang klambi cekak, utang salang dak lakoni (kotang)

• Kowe iku dhemene ngedom kreteg ngaku-aku (paku)

• Pringanom rinujit-rujit. Dak kanthi sakputuse (tulus)

Wangsalan kang pikanthok ing guru wilangan

Wangsalan kang awujud ukara siji kadadeyan saka rong gatra:

·         Gatra pisan patang wanda minangka cangkriman

·         Gatra pindho wolung wanda minangka batangane

Tuladha:

• Balung janur, apa nyata bakal sida. (sada)

• Uler kambang, engger trima satitahe. (lintah)

• Roning kamal, mumpung anom magurua. (sinom)

• Jaman wakul, aja kurang ing pamengku. (wengku)

Wangsalan kang awujud ukara loro. Kadadeyan saka rong gatra:

·         Gatra pisan patang wanda, minangka cangkriman

·         Gatra pindho wolung wanda, minangka batangane

Tuladha:

Kunir pita, adheging ukara kidung (temu, pada)

Tinemune, kaseret ingkang waspada

Rambut lathi, peken alit pinggir margi (rawis, warung)

Aja uwis sinau yen durung wasis