Pe-eN-eS, polisi, semana uga presiden
Kabeh kepengen kamulyan
Direwangi adus kringet,
kala-kala adol awak
Kae delengen,
Bocah kakang adhi
luntang-luntung ngedol aji
Amung ngenteni wewelas
Mangan sakpulukkan ora
krasa yen sing muluke dudu rama lan ibune
Aja kok gadhekna
Emoh,
pokoke aku emoh
Aku
ora lila kontraktor
Mbuh
sepiruwa anggonmu ngebreki dluwang abang
Elinga..........
Sawah-sawah
iki panguripane bebrayan
Jare
simbah gemah ripah loh jinawi
Apa-apa
kang sineleh ing bumi pertiwi
Mesti,
bakal nglahirake panguripan anyar kanggo anak putu
Yen
kabeh kok bangun pabrik, kafe, karaoke
Saiki
apa maneh kontraktor?
Pengen
ndeleng anak bojomu ora mangan?
Kabeh-kabeh
kok tambal semen
Apa
ora kok ngerteni kontraktor
Polahmu
iku mbebayani wong liya
Sisa
blethong gawe banyu reged agawa lelara
Lemah
lemah kesumpel ora bisa nguripi kaya semana uga
Saiki
arep muluk nggone sapa?
Mula
to mula mikira teka semana
Tidak ada komentar:
Posting Komentar